Bakı görüşü türk dövlətləri arasında hüquqi həmrəyliyin gücləndirilməsi, məhkəmə-hüquq sistemlərinin yaxınlaşdırılması və ortaq gələcəyin möhkəmləndirilməsi istiqamətində mühüm bir mərhələ kimi tarixə düşəcək.

Bunu Ali Məhkəmənin sədri İnam Kərimov iyunun 19-da Bakıda keçirilən TDT ölkələrinin Məhkəmə Şuraların Sədrlərinin üçüncü iclasında çıxışı zamanı deyib.

Onun sözlərinə görə, türk dövlətlərinin ortaq hüquq mədəniyyətinin daha da dərinləşməsi, ədalət və qanunun aliliyi prinsiplərinin geniş təbliği çox önəmlidir:

"Bu səfərlər ölkələr arasında dostluq əlaqələrinin daha da möhkəmlənməsinə və mədəni əlaqələrin inkişaf istiqamətində yeni üfüqlər açacaq. Türk dövlətlərini birləşdirən dərin tarixi köklər və ortaq hüquq-mədəni irs bu gün də əməkdaşlığımızın möhkəm təməlini təşkil edir. Əsrlər boyu bu xalqlar arasında formalaşan ədalət və dövlətçilik ənənələri bizi vahid dəyərlər ətrafında birləşdirir".