Xəbər verdiyimiz kimi, əməkdar artist Röya Ayxan son günlər sosial mediada məşhurlaşan və ən çox "like" sayını əlində tutan yumurta fotosundan sonra onunla bağlı bir neçə paylaşım edib.

xeber.info axşam.az-a istinadən bildirir ki, ifaçı əvvəlcə simasının əks olunduğu yumurta fotosu yayımlayıb. Bir milyon "like" toplamasa, profilini oğluna verəcəyini deyən Röya istəyinə nail ola bilməyib. O, cəmi 130 min bəyənmə sayı alıb.

Cəhdinin uğursuz alınması müğənnini yolundan döndərməyib. O, bu dəfə "yumurtalı video" paylaşaraq izləyicilərdən 2 milyon baxış sayı istəyib.

"İstədim bəxtimi bir daha sınayım. Bax, mən belə adamam. Qarşıma qoyduğum məqsəddən əl çəkmirəm" deyə, Röya yazıb.

Qeyd edək ki, video 15 saata 1 milyon 334 min baxış sayı toplayıb.