https://www.xeber.info/ tr Sosial - Xeber.info DataLife Engine https://www.xeber.info/sosial/36053-lilliyi-olan-sxslr-zruri-hyat-v-faliyyt-sraitinin-yaradilmasi-qaydalari-tsdiq-edilib.html https://www.xeber.info/sosial/36053-lilliyi-olan-sxslr-zruri-hyat-v-faliyyt-sraitinin-yaradilmasi-qaydalari-tsdiq-edilib.html
Dövlət Şəhərsalma və Arxitektura Komitəsinin Kollegiyası "Bina və qurğuların layihələndirilməsində əlilliyi olan şəxslər üçün zəruri olan həyat və fəaliyyət şəraitinin yaradılması qaydaları"nı təsdiqləyib.

Bununla bağlı Kollegiyanın sədri Anar Quliyev yeni qərar imzalayıb.

Qərara əsasən, qaydaların tələbləri yeni bina və qurğuların layihələndirilməsi, yenidən qurulması, mövcud olanların isə əsaslı təmiri və uyğunlaşdırılması, eləcə də ümumi istifadəli ərazilərin planlaşdırılması zamanı yerinə yetirilməlidir. Qaydalar ümumi istifadədə olan ərazilərin, bina və qurğuların funksional-planlaşdırma elementlərinə, onlar üçün ayrılmış torpaq sahələrinə, o cümlədən bina və qurğulara yaxınlaşma yollarına, girişlərə, daxili kommunikasiyalara, təxliyə yollarına, yaşayış və xidmətlərin göstərilməsi üçün otaqlara və iş yerlərinə şamil edilir. Qaydalar, həmçinin binaların, qurğuların, ümumi istifadədə olan ərazilərin və torpaq sahələrinin informasiya və mühəndis təchizatına da şamil edilir.

Bundan başqa, yaşayış məntəqələrində infrastruktur obyektlərinin layihələndirilməsi və tikintisində universal dizayn (layihələndirmə) əsasında əlilliyi olan şəxslərin bu obyektlərə maneəsiz müyəssər olması təmin edilməlidir.

Layihə həlləri bina və qurğularda, onların torpaq sahələrində, eləcə də ictimai istifadədə olan ərazilərdə əlilliyi olan şəxslər üçün aşağıda qeyd olunanları təmin etməlidir:

- xidmət məntəqələrinə qədər məsafələr və hərəkət yollarının parametrləri nəzərə alınmaqla əlçatanlığı;

- hərəkət yollarının, o cümlədən təxliyə yollarının, məqsədli ziyarət və xidmət göstərmə yerlərinin, iş yerlərinin təhlükəsizliyi;

- təhlükəli yanğın amillərinin təsirinin qarşısını almaq üçün binadan, qurğudan və ya yanğından mühafizə zonasına vaxtında və maneəsiz təxliyə üçün şəraiti;

- xidmətlərin göstərilməsi və nəzərdə tutulmuş yerlərə getmək məqsədi ilə hərəkət üçün zəruri olan dolğun və keyfiyyətli məlumatın vaxtında alınmasına şəraiti.

Həmçinin bina və qurğularda əlilliyi olan şəxslər və hərəkət imkanları məhdud digər əhali qruplarının sərbəst və ya müşayiətçinin köməyi ilə təhlükəsiz hərəkəti, eləcə də fövqəladə hallarda təxliyə olunmaları üçün binanın bütün sahələrindən tam həcmdə istifadə etmək imkanları təmin edilməlidir.

Obyektlərin əlilliyi olan şəxslər üçün əlçatan olan layihə həlləri binada (qurğuda) olan digər əhali qruplarının imkanlarına xələl gətirməməli və həyat fəaliyyətlərini məhdudlaşdırmamalıdır.

Dövlət Komitəsinin Ümumi işlər və Hüquq şöbələrinə tapşırılıb ki, qərarın Hüquqi Aktların Dövlət Reyestrinə daxil edilməsi üçün 3 gün müddətində Ədliyyə Nazirliyinə göndərilməsini təmin etsin.
]]> cavidan Thu, 04 Jun 2026 10:26:05 +0400 https://www.xeber.info/gundem/36040-azrbaycanda-novbti-tdris-ilindn-tibbd-suni-intellekt-kurslari-tskil-olunacaq.html https://www.xeber.info/gundem/36040-azrbaycanda-novbti-tdris-ilindn-tibbd-suni-intellekt-kurslari-tskil-olunacaq.html
Növbəti tədris ilindən başlayaraq "Tibbdə rəqəmsal texnologiyalar və süni intellekt" mövzusunda kursların təşkili nəzərdə tutulur.

Bunu səhiyyə naziri Teymur Musayev "Vətəndaş sağlamlığına rəqəmsal qayğı: Tibbi Rəqəmsal Əkiz Sistemi"nin təqdimat mərasimində çıxışı zamanı deyib.

Onun sözlərinə görə, il boyu davam edəcək kurslar bütün tibb ixtisas daşıyıcılarını əhatə edəcək:

"Rəqəmsal savadlılıq və müasir texnologiyalara uyğunlaşma tibb təhsilinin ayrılmaz tərkib hissəsinə çevrilməkdədir. Prezident İlham Əliyevin də göstərişi ilə aidiyyəti sahədə kadr hazırlığı daim diqqət mərkəzindədir. Rəqəmsal transformasiya təkcə səhiyyənin modernləşdirilməsinə deyil, həm də milli təhlükəsizliyə və cəmiyyətin dayanıqlığına töhfə verir".
]]> cavidan Wed, 03 Jun 2026 11:33:11 +0400 https://www.xeber.info/gundem/35736-bizim-tqvimmayin-5-d-bas-vermis-tarixi-hadislr.html https://www.xeber.info/gundem/35736-bizim-tqvimmayin-5-d-bas-vermis-tarixi-hadislr.html

Birləşmiş Millətlər Təşkilatının Baş Assambleyasının qərarı ilə 1992-ci ildən etibarən hər il 5 may bütün dünyada “Əlillərin Hüquqlarının Beynəlxalq Müdafiəsi Günü" kimi qeyd olunur. Bu günün qeyd olunmasında məqsəd əlillərin və sağlamlıq imkanları məhdud şəxslərin hüquqlarının qorunmasını beynəlxalq ictimaiyyətin diqqətinə çatdırmaq, bu kateqoriyadan olan insanların cəmiyyətə inteqrasiyasını gücləndirməkdir.

Mayın 5-də dünyada daha hansı hadisələr baş verib?

1. 5 may 1764-cü ildə Rusiyada ilk dəfə olaraq qızlar üçün təlim-tərbiyə müəssəsi yaradıldı.

2. 5 may 1920-ci ildə Lenin “müstəqil Azərbaycan Sovet Respublikasının” təşkili münasibətilə RSFSR Xalq Komissarları Soveti adından Azərbaycan Sovet hökumətinə təbrik teleqramı göndərib.

3. 5 may 1920-ci ildə Azərbaycan İnqilab Komitəsi xanların, bəylərin, mülkədarların, həmçinin monastır kilsə və məscidlərin torpaqlarının, vəqf yerlərinin müsadirə edilib kəndlilərə paylanması haqqında dekret verib.

4. 5 may 1949-cu ildə Londonda Avropa Şurası (AŞ) yaradılıb. Qurumun qərargahı Strasburqda yerləşir. Avropa Şurasının fəaliyyəti ilk növbədə insan hüquqlarının təmin olunmasına və müdafiəsinə, hüquqi əməkdaşlığın inkişafına, mədəniyyət, təhsil, səhiyyə, ekologiya və informasiya sahələrində qarşılıqlı fəaliyyətə yönəlib. AŞ terrorizmə qarşı mübarizə məsələlərinə, eləcə də demokratik sabitliyin möhkəmlənməsi ilə bağlı məsələlərə xüsusi diqqət yetirir. Azərbaycan 2001-ci ildən AŞ-nin üzvüdür.

5. 5 may 1955-ci ildə Almaniya Federativ Respublikası NATO-ya daxil olub.

6. 5 may 1960-cı ildə Bakı funikulyaru istifadəyə verilib.

7. 5 may 1963-cü ildə ABŞ-da ilk dəfə qara ciyər implantasiyası həyata keçirilib.

8. 5 may 1970-ci ildə Bakıda Ulduz metrostansiyası istifadəyə verilib.

9. 5 may 1990-cı ildə Misirşünaslar və İT mütəxəssisləri birgə səyi nəticəsində heroqlifləri yazmağa imkan verən kompüter proqramı hazırlanıb.

10. 1994-cü ilin bu günündə Birinci Qarabağ müharibəsində atəşkəs niyyəti ilə apanlan danışıqlar nəticəsində Bişkek protokolu imzalanıb.

11. 5 may 2000-ci ildə Əhməd Nejdət Sezər Türkiyənin 10-cu prezidenti seçilib. O, vəzifəsinin icrasına 16 mayda başlayıb.

12. 5 may 2006-cı ildə Bakıda İqtisadi Əməkdaşlıq Təşkilatı (ECO) dövlət başçılarının 9-cu sammiti keçirilib. 10 müsəlman ölkəsini birləşdirən ECO 1985-ci ildə Türkiyə, İran və Pakistan tərəfindən təsis edilib, Azərbaycan keçmiş SSRİ-nin müsəlman respublikaları ilə birlikdə 1992-ci ildə quruma üzv olub.

13. 5 may 2014-cü ildə Azərbaycan Milli Elmlər Akademiyasının “Azərbaycan Milli Ensiklopediyası” Elmi Mərkəzinin yeni binasının açılışı olub. Burada çoxcildli Universal Azərbaycan Milli Ensiklopediyasının hazırlanması və nəşri ilə məşğul olurlar.

3 mayda həm də bu tarixi şəxsiyyətlər xatırlanır:

1. 5 may 1818-ci ildə Alman filosof, iqtisadçı Karl Marks anadan olub.

2. 5 may 1821-ci ildə Fransız imperator Napoleon Bonapart vəfat edib.

3. 5 may 1892-ci ildə şair Əhməd Cavad anadan olub.

4. 5 may 1910-cu ildə SSRİ Xalq artisti, rejissor, aktyor və pedaqoq Adil İsgəndərovun doğum günüdür (1910-1978). Milli Dram Teatrının baş rejissoru, “Azərbaycanfilm” kinostudiyasının direktoru işləyib. “Uzaq sahillərdə”, “Qara daşlar”, “Qanun naminə”, “Dərviş Parisi partladır”, “Axırıncı aşırım”, “Arxadan vurulan zərbə” və s. filmlərdə yaddaqalan obrazlar yaradıb. “Əhməd haradadır?” filminə quruluş verib.

5. Azərbaycan mifoloq-türkoloqu, ədəbiyyatşünas, tənqidçi, filologiya elmləri doktoru, professor, Əməkdar elm xadimi, Azərbaycan Milli Yaradıcılıq Akademiyasının müxbir üzvü Mirəli Seyidov 5 may 1918-ci ildə anadan olub.

6. Azərbaycan leytenantı,Milli Qəhrəman İlham Əliyev 5 may 1961-ci ildə anadan olub.

7. Azərbaycan hərbçisi, Milli Qəhrəman Elşad Yəhyayev 5 may 1966-cı ildə anadan olub.

8. Azərbaycan hərbçisi, Milli Qəhrəman Qasım Rzayev 5 may 1970-ci ildə anadan olub.

9. Azərbaycan hərbçisi, Milli Qəhrəman Pərviz Səmədov 5 may 1970-ci ildə doğulub.(Bizim.Media)

]]> cavidan Tue, 05 May 2026 08:56:04 +0400 https://www.xeber.info/gundem/35646-gunun-qoroskopu-maliyyd-ortaq-qrarlar-onmlidir.html https://www.xeber.info/gundem/35646-gunun-qoroskopu-maliyyd-ortaq-qrarlar-onmlidir.html
Dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edirik

Səma bu gün sanki iki fərqli nəfəsin arasında dayanıb - bir tərəfdə sabit torpaq, digər tərəfdə dəyişmək istəyən ruh. 27 aprel 2026-cı il daxili qarşıdurmaların sakitcə həll olunduğu bir gündür. Bu gün həyat sizə sual verir - siz təhlükəsizliyi seçirsiniz, yoxsa inkişafı? Lakin əsl sirr ondadır ki, bu iki anlayış bir-birinə zidd deyil. Sadəcə siz onları düzgün şəkildə birləşdirməyi öyrənməlisiniz. Bu gün hissləriniz daha sakit görünə bilər, amma onların altında dərin qərarlar yetişir. Kainat sizi tələsməyə yox, dəqiqləşdirməyə çağırır.

Kosmik düzülüş bu incə balansı açıq şəkildə göstərir. Günəş Buğa bürcündə 7°-də yerləşərək sabitlik, maddi dəyərlər və həyatın real tərəflərini gücləndirir. Ay Şir bürcündə 26°-də emosiyalara son bir alovlu ifadə verir, lakin artıq bu alov sönməyə və daha sakit formaya keçməyə hazırdır. Merkuri Qoç bürcündə 14°-də düşüncələri sürətli saxlayır, amma artıq sözlərə daha çox məsuliyyət yükləyir. Venera Buğa bürcündə 2°-də sevgi və münasibətlərdə yeni, daha sabit mərhələnin başlanğıcını gücləndirir. Mars Qoç bürcündə 15°-də iradəni və hərəkəti gücləndirir. Yupiter Xərçəng bürcündə 21°-də qoruma və genişlənmə enerjisini artırır. Saturn Qoç bürcündə 11°-də hər addımı ölçməyi tələb edir. Uran Buğa bürcündə 29°-də dəyişimin son anlarını saxlayır. Neptun Qoç bürcündə 4°-də arzulara istiqamət verir. Pluton Dolça bürcündə 5°-də transformasiyanı davam etdirir.

İndi isə bu dərin və qərarverici enerjinin hər bir bürcdə necə yaşandığını hiss edək.

Qoç - Siz bu gün güclü və qətiyyətlisiniz, amma daxilinizdə qəribə bir sakitlik də var. Siz artıq yalnız hərəkət etmirsiniz, siz düşünərək hərəkət edirsiniz. Bu sizin üçün yeni mərhələdir. Sevgidə sözlərinizə diqqət edin - siz istəmədən qarşı tərəfi incidə bilərsiniz. Sağlamlıqda baş və enerji səviyyəsinə diqqət edin. Maliyyədə isə cəsarətli addımlar uğur gətirə bilər, amma planlı olun.

Buğa - Siz bu gün sabitliyin içində inkişafı hiss edirsiniz. Bu çox incə, amma çox güclü bir haldır. Siz artıq dəyişməkdən qorxmursunuz, çünki bilirsiniz ki, kökləriniz möhkəmdir. Sevgidə yeni mərhələ başlayır - daha sakit, amma daha dərin. Sağlamlıqda boyun və bədən gərginliyinə diqqət edin. Maliyyədə isə uzunmüddətli qərarlar uğurlu olacaq.

Əkizlər - Siz bu gün bir qədər yavaşlayırsınız və bu sizin üçün faydalıdır. Siz artıq hər şeyi eyni anda etməyə çalışmırsınız. Bu sizə aydınlıq verir. Sevgidə açıq və dürüst ünsiyyət münasibətləri gücləndirəcək. Sağlamlıqda sinir sistemi diqqət tələb edir. Maliyyədə isə diqqətli olmaq vacibdir.

Xərçəng - Daxilinizdəki emosiyalar sakitləşir və siz özünüzü daha təhlükəsiz hiss edirsiniz. Siz bu gün qorumaq və saxlamaq istəyirsiniz. Sevgidə qayğı və səmimiyyət ön plandadır. Sağlamlıqda mədə və emosional vəziyyətə diqqət edin. Maliyyədə isə sabitlik qurmaq üçün uyğun gündür.

Şir - Ay sizin bürcünüzdə son dərəcələrdədir və siz bu gün emosional bir zirvə yaşayırsınız. Bu zirvə sizi dəyişdirir. Siz artıq yalnız parlaq olmaq istəmirsiniz, siz mənalı olmaq istəyirsiniz. Sevgidə diqqət və ehtiras artır. Sağlamlıqda ürək və enerji balansına diqqət edin. Maliyyədə isə özünüzə inam sizə qazanc gətirə bilər.

Qız - Siz bu gün daha çox müşahidə edirsiniz və bu sizin üçün çox faydalıdır. Siz artıq hər şeyi dərhal düzəltmək istəmirsiniz, siz əvvəlcə anlamağa çalışırsınız. Sevgidə tələsməyin. Sağlamlıqda həzm sistemi və stressə diqqət edin. Maliyyədə isə planlı yanaşma sizə üstünlük verəcək.

Tərəzi - Siz bu gün münasibətlərdə daha çox balans axtarırsınız, amma bu balans artıq daha dərin səviyyədədir. Siz yalnız gözəllik yox, həqiqət istəyirsiniz. Sevgidə dürüstlük vacibdir. Sağlamlıqda böyrəklər və daxili balans diqqət tələb edir. Maliyyədə ortaq qərarlar önəmlidir.

Əqrəb - Siz bu gün çox güclü intuisiya hiss edirsiniz. Siz artıq nəyi buraxmalı olduğunuzu və nəyi saxlamalı olduğunuzu bilirsiniz. Sevgidə ya tam yaxınlıq, ya da qəti məsafə olacaq. Sağlamlıqda hormonal sistemə diqqət edin. Maliyyədə gizli imkanlar üzə çıxa bilər.

Oxatan - Siz bu gün daha sakit və düşüncəlisiniz. Bu sizin üçün vacib mərhələdir. Siz artıq yalnız hərəkət etmək yox, anlamaq istəyirsiniz. Sevgidə azadlıq və səmimiyyət önəmlidir. Sağlamlıqda enerji balansına diqqət edin. Maliyyədə isə yeni imkanlar görünür.

Oğlaq - Siz bu gün məsuliyyət və sabitlik arasında güclü balans qurursunuz. Bu sizi daha da möhkəmləndirir. Sevgidə bir qədər yumşaqlıq münasibətləri gücləndirəcək. Sağlamlıqda sümüklər və bel nahiyəsinə diqqət edin. Maliyyədə uzunmüddətli planlar uğur gətirəcək.

Dolça - Siz bu gün dəyişimin içində özünüzü daha rahat hiss edirsiniz. Artıq fərqli olmaq sizi qorxutmur. Sevgidə anlayış və zehni uyğunluq önəmlidir. Sağlamlıqda sinir sistemi və yuxuya diqqət edin. Maliyyədə innovativ yanaşmalar sizə qazanc gətirə bilər.

Balıqlar - Ruhunuz bu gün sakit və dərin bir vəziyyətdədir. Siz artıq hisslərinizi daha yaxşı anlayırsınız. Sevgidə incəlik və səmimiyyət ön plandadır. Sağlamlıqda immun sistemi və emosional vəziyyətə diqqət edin. Maliyyədə intuisiya sizi doğru istiqamətə aparacaq.

Bu günün sonunda səma sizə bir həqiqəti pıçıldayır - həyat yalnız seçimlərdən ibarət deyil, o seçimlərin içində tapdığınız mənadan ibarətdir. Siz bu gün artıq nəyi istədiyinizi bilirsiniz. İndi isə bu istəyi qorumaq, böyütmək və ona sadiq qalmaq zamanıdır. Çünki həqiqi sabitlik dəyişməyən deyil, dəyişərkən də özünü itirməyəndir.

Milli.az]]> cavidan Mon, 27 Apr 2026 09:40:38 +0400 https://www.xeber.info/sosial/35636-mk-zmanti-tlbi-lilliyi-olan-sxslrin-reyestrindn-cixarilib.html https://www.xeber.info/sosial/35636-mk-zmanti-tlbi-lilliyi-olan-sxslrin-reyestrindn-cixarilib.html
Əlilliyi olan şəxslərin reyestrinin aparılması qaydasında dəyişiklik edilib.

Bu barədə Baş nazir Əli Əsədov qərar imzalayıb.

Belə ki, reyestrə, habelə Reyestrdən Elektron Hökumət İnformasiya Sistemi vasitəsilə digər dövlət informasiya ehtiyatlarına və sistemlərinə ötürülən məlumatlar sırasından əmək zəmanəti çıxarılıb.]]> cavidan Fri, 24 Apr 2026 16:58:28 +0400 https://www.xeber.info/gundem/35610-bizim-tqvimaprelin-23-d-bas-vermis-tarixi-hadislr.html https://www.xeber.info/gundem/35610-bizim-tqvimaprelin-23-d-bas-vermis-tarixi-hadislr.html

23 aprel 1918-ci ildə ermənilər Qubada müsəlman əhaliyə qarşı növbəti terror hadisəsi törətdilər. 10 gün davam edən vəhşiliklər nəticəsində 3 mindən çox dinc sakin qətlə yetirildi, 100-ə qədər ev yandırıldı, 125 kənd yerlə-yeksan edildi.

Bəs aprelin 23-də dünyada daha hansı hadisələr baş verib?

1. 23 aprel 1827-ci ildə Rusiyanın Əlahiddə Qafqaz korpusunun əsas qüvvələri Eçmiədzinə daxil oldu və aprelin 23-də İrəvan üzərinə hərəkət etdi, səhəri gün isə İrəvan qalasına yaxınlaşaraq, onu mühasirəyə aldı. Mühasirə iki ay davam etdi. Bu müddət ərzində düşmən bir neçə dəfə həmlə etdi, lakin hər dəfə canlı qüvvə və silah itirərək məğlub oldu.


Ən böyük həmlə mayın 8-də baş verdi. O, qanlı döyüşlə qurtardı. Düşmən geri çəkilməyə məcbur oldu. Lakin rus qoşunu sayının azlığı ucbatından (8600 adam) İrəvanda müvəffəqiyyət qazana bilmədiyindən, rus komandanlığı qalanın mühasirəsinə vaxt itirməməyi qərara aldı və qoşununu Naxçıvan üzərinə yeritdi.


2. 23 aprel 1920-ci ildə Azərbaycan Cümhuriyyətinin bütün ərazisini işğal etmək 490 saylı direktivə əlavə olaraq, XI orduya son vəzifə kimi tapşırıldı.

3. 1920-ci ilin bu günündə Türkiyədə Milli Suverenlik və Uşaq Bayramı Günü elan edilib. Bayram Türkiyə Böyük Millət Məclisinin 1920-ci il aprelin 23-də keçirilmiş ilk iclasından sonra ənənəvi olaraq qeyd edilməyə başlanıb. Vaxtilə “Bu günün balacaları sabahın böyükləridir”, - deyən Mustafa Kamal Atatürk bu bayrama müstəsna əhəmiyyət verib. 1979-cu ildən isə bu bayram BMT tərəfindən tanınıb.

4. 23 aprel 1933-cü ildə Azərbaycan Həmkarlar İttifaqları Şurası MTS və sovxozlarda müstəqil və səyyar kitabxanaların yaradılması haqqında xüsusi qərar qəbul etdi.

5. 23 aprel 1992-ci ildə elmi və elmi pedaqoji kadrlar hazırlanması işini nizama salmaq üçün Azərbaycan Ali Attestasiya Komissiyası (1994-cü ildən Azərbaycan Prezidenti yanında Azərbaycan Ali Attestasiya Komissiyası) təşkil edildi.


Bu komissiya Ali Attestasiyalar Komissiyaları Beynəlxalq Assosiasiyasına üzv qəbul edildi. Respublikanın elm və təhsil müəssisələrində 140-a yaxın ixtisas üzrə hər il 70-dək doktorluq və namizədlik dissertasiyasının müdafiəsi üçün İxtisaslaşdırılmış Şura fəaliyyət göstərirdi. Bakı ilə yanaşı Naxçıvan, Gəncə, Lənkəran kimi şəhərlərin ali təhsil müəssisələrində də belə şuralar yaradılırdı.


6. 23 aprel 1994-cü ildə Ağdam rayonunun Nəmirli, Şotlanlı, Umudlu, Şurabad kəndləri Ermənistan ordusu tərəfindən işğal olundu.

7. 23 aprel 1996-cı ildə Prezident Heydər Əliyev Brüsseldə Azərbaycanın NATO-nun "Sülh naminə tərəfdaşlıq" proqramına qoşulması barədə təqdimat sənədini imzalayıb.

8. 23 aprel 2002-ci ildə Türkmənistanın paytaxtı Aşqabadda Xəzərin hüquqi statusunun müəyyənləşməsi ilə bağlı sahilyanı dövlət başçılarının ilk sammiti işə başlayıb. Türkmənistan, Azərbaycan, Qazaxıstan, İran və Rusiya prezidentlərinin görüşündə Xəzərin hüquqi statusunun hazırlanması geniş müzakirə edilsə də, işçi qrupu tərəfindən hazırlanan yekun Bəyannamə layihəsi dövlət başçıları tərəfindən bitkin sayılmadığından imzalanmayıb.

9. 23 aprel 2007-ci ildə Azərbaycan XİN ABŞ Dövlət Departamentinin insan haqları üzrə hesabatında Qarabağa dair bölmənin təftiş edilməsinə etiraz olaraq bəyanat verib.


Hesabatın ilkin variantındakı "erməni qüvvələri Dağlıq Qarabağ və Azərbaycanın daha yeddi rayonunu işğal altında saxlayır" ifadəsi sonradan ermənilərin səyi ilə dəyişdirilmişdi. Azərbaycanın etirazından sonra Dövlət Departamenti sənəddə əvvəlki mətni bərpa etdi və ikitərəfli münasibətlər normal məcraya düşdü.


10. 23 Aprel Ümumdünya Kitab və Müəlliflik Hüququ Günüdür. Ümumdünya Kitab və Müəlliflik Hüququ Günü 1995-ci ildə UNESCO tərəfindən təsdiq edilib. Həmin gün dünya ədəbiyyatında simvolik tarixdir. 23 Aprel Uilyam Şekspir, Migel Servantes və İnka Qarsilaso dela Veqa kimi bir sıra görkəmli ədiblərin vəfat etdiyi gündür.UNESCO kitabları və müəlliflik hüququnu təbliğ etməklə yaradıcılığın, mədəni müxtəlifliyin və bütün fəaliyyət sahələrində biliklərə bərabərhüquqlu əlçatımlığın tərəfdarı kimi çıxış edir, kitab işinin və qiraətin təşviqinə kömək edir.

11. 23 Aprel Milli Suverenlik və Uşaq Bayramıdır. Aprel 1920-ci ildə Türkiyə Böyük Millət Məclisinin açılış günü daha sonra Milli Suverenlik və Uşaq Bayramı olaraq qeyd olunmağa başladı. Bu gün Səltənətin ləğv edilərək Milli Suverenliyin bir millət kimi istifadə edilməsi və Qurtuluş müharibəsində atası şəhid olan uşaqların sevinci üçün düşünülən uşaq bayramının birləşməsilə yaranıb.

12. 23 aprel 1918-ci ildə ermənilər Qubada müsəlman əhaliyə qarşı növbəti terror hadisəsi törətdilər. 10 gün davam edən vəhşiliklər nəticəsində 3 mindən çox dinc sakin qətlə yetirildi, 100-ə qədər ev yandırıldı, 125 kənd yerlə-yeksan edildi.

13. 23 aprel 2002-ci ildə Miniatür Kitab Muzeyi açılıb. Muzey Zərifə Salahova tərəfindən 20 ildən artıq müddətində toplanmış nadir kolleksiyası əsasında yaradılıb.

23 apreldə həm də bu tarixi şəxsiyyətlər xatırlanır:

1. 23 aprel 1865-ci ildə görkəmli hərbi xadim, artilleriyanın “Allahı” hesab edilən Əliağa Şıxlinski anadan olub (1865-1943). O, Çar Rusiya ordusunda artilleriya generalı, Azərbaycan Demokratik Respublikasının hərbi nazirinin müavini olub.


Ə.Şıxlinski Hərbi Akademiyanı oxumadan, Çar Rusiyası ordusunda ali rütbəli zabit heyətinə daxil edilib. Topçuluğa dair yazdığı əsərlər, özünün şəxsən işləyib hazırladığı "Şıxlinski üçbucağı" qaydası bu gün də dünya artilleriyasının köməyinə gəlməkdədir. O, 1942-ci ildə “Xatirələrim” kimi qiymətli hərbi memuarını diktə edib yazdırıb. Bu, Azərbaycan hərb tarixində ilk və yeganə hərbi memuardır. Şıxlinski bədii yaradıcılıqla da məşğul olub, hərbi-puplisistik yazılar yazıb.


2. 23 aprel 1902-ci ildə İsland yazıçısı, ədəbiyyat üzrə Nobel mükafatı və ümumdünya sülh şurası ədəbiyyat mükafatı laureatı Halldor Kilyan Laksnessin doğum günü (1902-1998). "Təbiətin övladı" adlı ilk povesti çap ediləndə Laksnessin 17 yaşı olub. O, "Müqəddəs dağın ətəyində", "Kəşmirli böyük toхucu", "Salka Valka", "İmkanlı adamlar", "Dünyanın işığı", "İsland zəngi" və digər əsərlərin müəllifidir.

3. 23 aprel 2008-ci ildə Azərbaycan Respublikasının xalq artisti, Akademik Milli Dram Teatrının aparıcı aktyorlarından biri, prezident təqaüdçüsü Kamal Ağahüseyn oğlu Xudaverdiyev (1938-2008) ürək çatımazlığından vəfat edib. (Bizim.Media)
]]> cavidan Thu, 23 Apr 2026 08:57:31 +0400 https://www.xeber.info/gundem/35542-halinin-orta-ayliq-xrclri-662-manata-yukslib.html https://www.xeber.info/gundem/35542-halinin-orta-ayliq-xrclri-662-manata-yukslib.html
Bu ilin yanvar-mart aylarında Azərbaycanda bir istehlakçı orta hesabla ayda 662,1 manat və ya 2025-ci ilin eyni dövrü ilə müqayisədə nominal ifadədə 59,8 manat çox vəsait xərcləyib.

Bu ilin yanvar-mart aylarında istehlakçıların tələbatlarının ödənilməsi məqsədilə satılmış malların və göstərilmiş xidmətlərin dəyəri 20,4 milyard manat təşkil edib.

Bu göstərici 2025- ci ilin yanvar-mart aylarına nisbətən real ifadədə 4,6 faiz artıb.

Ümumi dəyərin 78,1 faizini pərakəndə ticarət dövriyyəsi, 18,8 faizini əhaliyə göstərilmiş ödənişli xidmətlərin dəyəri, 3,1 faizini isə ictimai iaşə dövriyyəsi təşkil edib. Qeyri-dövlət sektorunda fəaliyyət göstərən təsərrüfat subyektləri tərəfindən satılmış malların və göstərilmiş xidmətlərin dəyəri 2025-ci ilin yanvar-mart ayları ilə müqayisədə 4,3 faiz artaraq 19,5 milyard manata bərabər olub, onun 43,8 faizi fərdi sahibkarların fəaliyyəti sayəsində formalaşıb.]]> cavidan Thu, 16 Apr 2026 18:03:52 +0400 https://www.xeber.info/gundem/35502-azrbaycan-alimentl-bagli-qrarlarin-beynlxalq-sviyyd-icrasi-mexanizmin-qosulur.html https://www.xeber.info/gundem/35502-azrbaycan-alimentl-bagli-qrarlarin-beynlxalq-sviyyd-icrasi-mexanizmin-qosulur.html
Azərbaycan alimentlə bağlı məhkəmə qərarlarının beynəlxalq səviyyədə icrası mexanizminə qoşulur.

Bu, Milli Məclisin Beynəlxalq münasibətlər və parlamentlərarası əlaqələr komitəsinin bu gün keçirilən iclasında müzakirəyə çıxarılan “Mülki, ailə və cinayət işləri üzrə hüquqi yardım və hüquqi münasibətlər haqqında 1993-cü il 22 yanvar tarixli Konvensiyaya dəyişikliklərin edilməsi barədə Protokol”un təsdiq edilməsi haqqında” və “Mülki, ailə və cinayət işləri üzrə hüquqi yardım və hüquqi münasibətlər haqqında 2002-ci il 7 oktyabr tarixli Konvensiyaya dəyişikliklərin edilməsi barədə Protokol”un təsdiq edilməsi haqqında” qanun layihələrində əksini tapıb.

Qeyd edilib ki, hər iki məsələyə edilən dəyişikliklərin əsas mahiyyətini mülki, ailə və cinayət işləri üzrə hüquqi yardım haqqında konvensiyalara yetkinlik yaşına çatmayan uşaqlar üçün alimentlə bağlı məhkəmə qərarlarının tanınması və icrası mexanizmi ilə bağlı məsələlər təşkil edir. Beləliklə, bu yeniliklər dövlətlər arasında hüquqi əməkdaşlığı gücləndirəcək, xüsusilə də uşaqların maddi təminatı ilə bağlı qərarların digər ölkələrdə daha asan və effektiv icrasına imkan yaradacaq.
]]> cavidan Tue, 14 Apr 2026 17:13:13 +0400 https://www.xeber.info/gundem/35480-baki-sumqayit-abseron-uzr-pensiyalar-sabah-odnilck.html https://www.xeber.info/gundem/35480-baki-sumqayit-abseron-uzr-pensiyalar-sabah-odnilck.html
Bakı və Sumqayıt şəhərləri, eləcə də Abşeron rayonu üzrə aprelin 14-də bu ayın pensiyalarının ödənilməsi nəzərdə tutulub.

Bu barədə Dövlət Sosial Müdafiə Fondu məlumat yayıb.

Qeyd edək ki, güzəştli şərtlərlə pensiya hüququna malik şəxslərin pensiyaları bu ay da qrafik üzrə ödəniləcək.]]> cavidan Mon, 13 Apr 2026 12:14:51 +0400 https://www.xeber.info/gundem/35468-qoxu-itkisi-v-yuxusuzluga-diqqt-gizli-lamt-ola-bilr.html https://www.xeber.info/gundem/35468-qoxu-itkisi-v-yuxusuzluga-diqqt-gizli-lamt-ola-bilr.html
Parkinson xəstəliyi yalnız titrəmə ilə deyil, daha erkən və gizli simptomlarla da özünü göstərə bilər.

Bu barədə İrem Fatma Uludağ xəbərdarlıq edib.

Nevroloq bildirib ki, qoxu itkisi, yuxu pozğunluğu, qəbizlik və xırda əl yazısı kimi əlamətlər xəstəliyin erkən siqnalları ola bilər, lakin çox vaxt diqqətdən kənarda qalır.

Mütəxəssis qeyd edib ki, bəzi hallarda xəstəlik qeyri-adi şəkildə də üzə çıxır. Həmçinin, sadə qol ağrısı da yanlış diaqnoz qoyularaq gecikmiş şəkildə Parkinson kimi müəyyən edilə bilər.

Hər il 11 apreldə qeyd olunan Ümumdünya Parkinson Günü münasibətilə həkimlər erkən diaqnozun vacibliyini bir daha vurğulayıb.

Mütəxəssislər bildirir ki, düzgün müalicə, fiziki aktivlik və ailə dəstəyi ilə Parkinson xəstələri uzun müddət aktiv və müstəqil həyat sürə bilərlər.]]> cavidan Sat, 11 Apr 2026 08:14:06 +0400