https://www.xeber.info/ tr Mədəniyyət - Xeber.info DataLife Engine https://www.xeber.info/gundem/36051-turkmnistanda-azrbaycan-mdniyyti-gunlri-baslayir.html https://www.xeber.info/gundem/36051-turkmnistanda-azrbaycan-mdniyyti-gunlri-baslayir.html
Sabah Türkmənistanda Azərbaycan Mədəniyyəti Günləri başlayır.

Üç gün davam edəcək tədbirlər çərçivəsində Arkadağ və Aşqabad şəhərlərinin sakinləri Azərbaycanın zəngin mədəni irsi, musiqi sənəti və yaradıcı ənənələri ilə yaxından tanış olmaq imkanı əldə edəcəklər.

Proqramda konsertlər, sərgilər və müxtəlif mədəni tədbirlər nəzərdə tutulur.

Bu layihə iki qardaş ölkə arasında humanitar əlaqələrin daha da möhkəmləndirilməsinə, eləcə də mədəni dialoqun genişlənməsinə xidmət edir.]]> cavidan Thu, 04 Jun 2026 09:23:28 +0400 https://www.xeber.info/gundem/35927-qulagim-esid-esid-dedi-ki-rahid-n-gun-qalib.html https://www.xeber.info/gundem/35927-qulagim-esid-esid-dedi-ki-rahid-n-gun-qalib.html

Müğənni Rahidə Baxışova yaşadığı xoşagəlməz hadisə ilə bağlı açıqlaması ilə diqqət çəkib. İfaçı bu barədə efirdə danışıb.

Sənətçi bildirib ki, tədbirlərin birində tanınmış xanımlardan birinin onun görünüşü ilə bağlı dediyi sözlərə təsadüfən şahid olub:

"Bir dəfə tədbirə getmişdim. Tanınmış xanımlardan biri yanındakı bəyə dedi ki, 'Bu Rahidədir? Nə günə qalıb?' Mən də eşitdim və çox pis oldum".

Müğənni həmin anda heç bir reaksiya vermədiyini, lakin deyilən sözlərin ona təsir etdiyini etiraf edib:

"Heç nə demədim. Həssas insanam. Evdə də adi bir sözü mənə çox ehtiyatla deyirlər".

Sənətçi bir müddət öz görünüşü ilə bağlı kompleks yaşadığını da bildirib:

"Elə bilirdim ki, mən eybəcərəm. Amma sonra düşündüm ki, hər şey məndə yaxşıdır, normalam və o sözü dərd etmədim".

Baxışova efirdə olduğundan daha fərqli göründüyünü də vurğulayıb:

"Efir məni kök göstərir. Həyatda görənlər deyirlər ki, çox incə xanımsınız".

İfaçının səmimi etirafı sosial şəbəkələrdə maraqla qarşılanıb və izləyicilər onun açıqlamasına dəstək mesajları yazıblar.

Qeyd edək ki, müğənni canlı efirdə həmin xanımın adını həmkarı Elçin Hüseynovun qulağına deyərkən səs efirə düşüb. Təranə Qumral adını aydın şəkildə izləyicilər eşidib. Rahidə daha sonra qonaq olduğöu digər efirdə isə özünü yalanlayıb və həmin xanımın Təranə Qumral olmadığını bildirərək onu çox kübar xanım adlandırıb. Sənətçinin bir-birinə zidd açıqlamaları geniş müzakirə doğurub.]]> cavidan Fri, 22 May 2026 12:06:36 +0400 https://www.xeber.info/gundem/35900-energetika-memarligi-filmi-tqdim-olunub.html https://www.xeber.info/gundem/35900-energetika-memarligi-filmi-tqdim-olunub.html
Ümumdünya Şəhərsalma Forumunun 13-cü sessiyası (WUF13) çərçivəsində "AzərEnerji" ASC-nin İctimaiyyətlə əlaqələr mərkəzi tərəfindən "Energetika memarlığı" adlı film hazırlanıb.

Film, Azərbaycanın elektroenergetika sahəsinin tarixi inkişaf yolunu, bu sahədə formalaşmış memarlıq və texnoloji yanaşmaları əks etdirən sənədli ekran işidir. Burada 1883-cü ildə Gədəbəydə ilk elektrik stansiyasının qurulmasından başlayaraq, müasir dövrdə həyata keçirilən iri enerji layihələrinə qədər uzanan inkişaf mərhələləri təqdim edilir.

Ekran əsərində energetika yalnız texniki infrastruktur kimi deyil, həm də şəhərsalma, memarlıq və milli inkişafın mühüm elementi kimi göstərilir. Filmdə Azərbaycanda enerji obyektlərinin keçdiyi təkamül yolu - sovet dövrünün funksional yanaşmasından başlayaraq, müasir dövrdə estetik və rəqəmsal həllərlə zənginləşdirilmiş yeni energetika memarlığı modelinə qədər geniş şəkildə nümayiş olunur.

Filmdə, xüsusilə son 20 ildə həyata keçirilən enerji layihələri, qapalı tipli yarımstansiyalar, rəqəmsal idarəetmə mərkəzləri, müasir elektrik stansiyaları və işğaldan azad edilmiş ərazilərdə qurulan yeni enerji infrastrukturu ön plana çıxarılır. Bununla yanaşı, "yaşıl enerji" konsepsiyası çərçivəsində yaradılan müasir enerji sistemləri də ekran əsərinin əsas mövzularından biridir.

"Energetika Memarlığı" filmi Azərbaycanın enerji təhlükəsizliyinin möhkəmləndirilməsi, müasir sənaye estetikasının formalaşdırılması və gələcəyin dayanıqlı enerji infrastrukturunun qurulması istiqamətində görülən işləri vizual və tarixi ardıcıllıqla təqdim edir. Film, energetikanın yalnız iqtisadi inkişaf deyil, həm də milli memarlıq düşüncəsi və dövlətçilik baxışının tərkib hissəsinə çevrildiyini nümayiş etdirir.
]]> cavidan Wed, 20 May 2026 10:36:25 +0400 https://www.xeber.info/gundem/35831-heydr-liyev-v-azrbaycan-dliyysi-kitabinin-tqdimati-olub.html https://www.xeber.info/gundem/35831-heydr-liyev-v-azrbaycan-dliyysi-kitabinin-tqdimati-olub.html
Hüquq və İnsan Haqları İnstitutunda Ümummilli Lider Heydər Əliyevin anadan olmasının 103-cü ildönümünə həsr edilmiş tədbir keçirilib.

Konstitusiya Məhkəməsinin hakimi, əməkdar hüquqşünas, uzun illər ədliyyə naziri və Məhkəmə-Hüquq Şurasının sədri işləmiş Fikrət Məmmədovun müəllifi olduğu nəşr Heydər Əliyevin Azərbaycan hüquq sisteminin inkişafındakı tarixi roluna həsr olunub.

Eyni zamanda, kitabda Ulu Öndərin siyasi kursunu uğurla davam və inkişaf etdirən ölkə Prezidenti İlham Əliyevin rəhbərliyi ilə qazanılan yüksək nailiyyətlər və parlaq qələbələr, o cümlədən ədliyyə və məhkəmə sisteminin daha da təkmilləşdirilməsi və müasirləşdirilməsi üzrə həyata keçirilən islahatlar, Birinci vitse-prezident Mehriban Əliyevanın rəhbərliyi ilə Heydər Əliyev Fondunun Ümummilli Liderin irsinin öyrənilməsi və təbliği ilə bağlı mühüm fəaliyyəti əksini tapıb.

Tədbiri giriş sözü ilə açan İnstitutun idarə heyətinin sədri Məhəmməd Quluzadə nəşrdə Ulu Öndər Heydər Əliyevin zəngin dövlətçilik irsi, xalq və dövlət qarşısında misilsiz xidmətləri, həyata keçirdiyi hüquqi sahədə, xüsusilə ədliyyə sisteminin təkmilləşdirilməsi, yeni məhkəmə sisteminin formalaşdırılması ilə bağlı islahatların geniş yer aldığını bildirib.

Müəllif, həmçinin Ulu Öndərin rəhbərliyi altında işlədiyi dövrə dair şəxsi xatirələrini və müşahidələrini də oxucularla bölüşüb. Heydər Əliyevin imzası ilə qəbul edilmiş tarixi əhəmiyyətli hüquqi sənədlər, arxiv foto-materialları barədə məlumatlar verilib.

Tədbirdə çıxış edən Fikrət Məmmədov Ulu Öndər Heydər Əliyev haqqında kitab yazmağın olduqca məsuliyyətli olduğunu, bu dahi şəxsiyyətin dövlət və xalq qarşısında xidmətlərinin misilsizliyini vurğulayıb. Zaman keçdikcə Ulu Öndərin dahiliyinin, uzaqgörənliyinin, müdrikliyinin daha dərindən dərk edildiyini, belə şəxsiyyətlərin nəinki əsrdə, minillikdə bir yarandığını bildirib.

F.Məmmədov qeyd edib ki, Heydər Əliyevin həyat və çoxşaxəli fəaliyyəti haqqında yüzlərlə kitablar nəşr edilib: "Ulu Öndərin etimadı ilə məsul vəzifələrdə çalışmış bir şəxs kimi özümə mənəvi borc bildim ki, Heydər Əliyevin hüquq institutlarının, xüsusilə ədliyyə orqanlarının və məhkəmələrin səmərəli fəaliyyəti ilə bağlı gördüyü işləri və həyata keçirdiyi islahatları tarix üçün həkk edim. Kitabda 1969-cu ildən başlayaraq Ümummilli Liderin bütün dövrlərdəki fəaliyyəti əks olunub. Bu zaman dahi şəxsiyyət Heydər Əliyevin dövlət fəaliyyətinə, xüsusilə də Azərbaycanın hərtərəfli inkişafına yönəlmiş işlərə nəzər salınıb".

Təqdimat mərasimində Konstitusiya Məhkəməsinin sədri Fərhad Abdullayev, Ali Məhkəməsinin sədri İnam Kərimov, İnsan Hüquqları üzrə Müvəkkili (Ombudsman) Səbinə Əliyeva, Milli Məclisinin komitə sədrləri Əli Hüseynli və Zahid Oruc, Bakı Dövlət Universiteti hüquq fakültəsinin dekanı Zaur Əliyev, ictimaiyyət nümayəndələri çıxış edib, Ümummilli Liderin Azərbaycan hüquq sisteminin formalaşdırılmasında müstəsna xidmətlərindən danışıblar. Bundan başqa, onun hüquqi dövlət quruculuğu sahəsində həyata keçirdiyi islahatların və dövlətçilik irsinin təbliğinin və gələcək nəsillərə çatdırılmasının vacibliyi, "Heydər Əliyev və Azərbaycan Ədliyyəsi" kitabının bu sahədə yaxşı vasitə olduğu, kitabın dərs vəsaiti kimi istifadəsinin əhəmiyyəti vurğulanıb.]]> cavidan Wed, 13 May 2026 17:57:53 +0400 https://www.xeber.info/gundem/35691-xalq-artisti-arif-babayevin-qbirustu-abidsi-ucaldilib-foto.html https://www.xeber.info/gundem/35691-xalq-artisti-arif-babayevin-qbirustu-abidsi-ucaldilib-foto.html
Xalq artisti Arif Babayevin I Fəxri xiyabanda – məzarı üzərində qəbirüstü abidəsi ucaldılıb.

Abidənin müəllifi Cavanşir Dadaşov və Nəriman Tağıyevdir.

Abidə sənətkarın əlində qaval aləti olan təsviri əsasında hazırlanıb.

Qeyd edək ki, Arif Babayev uzun sürən xəstəlikdən sonra ötən ilin avqustun 1-i vəfat edib.]]> cavidan Thu, 30 Apr 2026 16:16:50 +0400 https://www.xeber.info/medeniyyet/35533-sevgililrin-ev-alirlar-amma-sntkarlara-bigan-qalirlar-xalq-artisti.html https://www.xeber.info/medeniyyet/35533-sevgililrin-ev-alirlar-amma-sntkarlara-bigan-qalirlar-xalq-artisti.html
"Bir xanımı sevəndə gedib ona ev, maşın alırlar, amma sənətkarlara biganə qalırlar".

Bunu APA TV-nin "Söz arasında" verilişində Xalq artisti Bilal Əliyev deyib.

"Azərbaycanın zirvədə olan sənətkarları var, onlara da diqqət edin", - o bildirib.
]]> cavidan Thu, 16 Apr 2026 10:20:47 +0400 https://www.xeber.info/medeniyyet/35488-xalq-artisti-maqsud-mmmdov-vfat-edib.html https://www.xeber.info/medeniyyet/35488-xalq-artisti-maqsud-mmmdov-vfat-edib.html
Görkəmli baletmeyster Xalq artisti Maqsud Məmmədov vəfat edib.

Bu barədə Mədəniyyət Nazirliyi məlumat yayıb.

Qeyd olunub ki, o bu gün 97 yaşında vəfat edib.

Məlumat üçün bildirək ki, Maqsud Davud oğlu Məmmədov 30 may 1929-cu ildə Gəncədə anadan olub.

Bakı Xoreoqrafiya Məktəbinə daxil olan Maqsud Məmmədovun yüksək sənət göstəriciləri nəzərə alınaraq Moskva Xoreoqrafiya Məktəbinə göndərilib və 1950-ci ildə bu təhsil ocağını bitirib.

O, 1951-ci ildən Azərbaycan Dövlət Akademik Opera və Balet Teatrında çalışıb.

Maqsud Məmmədov dünya və Azərbaycan balet sənəti nümunələrində mürəkkəb partiyaları – Ziqfrid ("Qu gölü"), Albert ("Jizel"), Bazil ("Don Kixot"), Polad ("Qız qalası"), Azad ("Gülşən), Fərhad ("Məhəbbət əfsanəsi"), Lenni ("İldırımlı yollarla") və s. böyük uğurla ifa edib, baletsevərlərin dərin rəğbətini qazanıb.

Onun həyat yoldaşı, görkəmli balerina, Xalq artisti Rəfiqə Axundova ilə birgə quruluş verdiyi Tofiq Bakıxanovun "Xəzər balladası", Fərəc Qarayevin "Qobustan kölgələri", "Kaleydoskop", Rauf Hacıyevin "Azərbaycan süitası", Nazim Əlivedibəyovun "Muğam", Aqşin Əlizadənin "Babək" baletləri istedadlı baletmeysterə böyük şöhrət qazandırıb.

Milli mədəniyyətimizin inkişafında xidmətlərinə görə Maqsud Məmmədov 1955-ci ildə "Əməkdar artist", 1970-ci ildə isə "Xalq artisti" fəxri adlarına layiq görülüb.

2019-cu ildə "Şöhrət" ordeni ilə təltif olunan sənətkar 2002-ci ildən Prezidentin fərdi təqaüdçüsü idi.]]> cavidan Mon, 13 Apr 2026 18:06:43 +0400 https://www.xeber.info/medeniyyet/35388-mdniyyt-nazirliyind-struktur-dyisikliyi-olub-aynur-krimova-sektor-mudiri-tyin-edilib.html https://www.xeber.info/medeniyyet/35388-mdniyyt-nazirliyind-struktur-dyisikliyi-olub-aynur-krimova-sektor-mudiri-tyin-edilib.html
Mədəniyyət Nazirliyinin Aparatında idarəetmədə səmərəliliyinin artırılması, mədəniyyət sahələrində idarəetmənin tənzimlənməsi məqsədilə ilk mərhələdə struktur təkmilləşdirilməsi həyata keçirilib, şöbə və bölmələrin fəaliyyəti optimallaşdırılıb.

Bu barədə "Report"un sorğusuna cavab olaraq Mədəniyyət Nazirliyindən məlumat verilib.

Bildirilib ki, konsepsiyada nəzərdə tutulan yeni idarəetmə yanaşmaları və mədəniyyətin yeni fəaliyyət sahələri bu istiqamətlər üzrə effektiv idarəetmə və nəzarətin təmin olunmasını tələb edir.

"Bu baxımdan, Mədəniyyət Nazirliyinin Aparatında yeni struktur vahidlərinin formalaşdırılması və mövcud şöbələrin funksional bölgüsünün yenidən təşkili həyata keçirilir. Nəticədə aparatın yenilənmiş strukturunda konspesiyada müəyyənləşmiş mədəniyyətin yeni sahələrinə uyğun olaraq idarəetmə formalaşdırılıb, kommunikasiya, rəqəmsallaşma və əlaqələndirmə mexanizmləri təkmilləşdirilib".

Eyni zamanda vurğulanıb ki, həyata keçirilən optimallaşdırmadan sonra Mədəniyyət Nazirliyinin Media ilə iş üzrə sektor müdiri Aynur Kərimova olub.]]> cavidan Fri, 03 Apr 2026 12:36:33 +0400 https://www.xeber.info/gundem/35367-adil-krimli-agdamda-vtndaslari-qbul-edck.html https://www.xeber.info/gundem/35367-adil-krimli-agdamda-vtndaslari-qbul-edck.html
Mədəniyyət naziri Adil Kərimli Ağdamda vətəndaşları qəbul edəcək.

Bu barədə Mədəniyyət Nazirliyindən məlumat yayıb.

Bildirilib ki, aprelin 17-i saat 10:00-da Ağdam şəhəri, Heydər Əliyev prospekti, "İmarət" küçəsidə Ağdam, Füzuli, Xocavənd rayonlarından olan vətəndaşların qəbulu keçiriləcəkdir.

Vətəndaşlar 2026-cı il aprelin 13-dək Nazirliyin info@culture.gov.az elektron poçt ünvanı, (012) 493-43-98 telefon nömrəsi vasitəsilə müraciət etməklə qəbula yazıla bilərlər.
]]> cavidan Wed, 01 Apr 2026 13:05:40 +0400 https://www.xeber.info/gundem/35334-ilham-liyev-v-mehriban-liyeva-rasim-balayevl-vida-mrasimin-klil-gondriblr.html https://www.xeber.info/gundem/35334-ilham-liyev-v-mehriban-liyeva-rasim-balayevl-vida-mrasimin-klil-gondriblr.html
Prezident İlham Əliyev və Birinci vitse-prezident Mehriban Əliyeva Xalq artisti Rasim Balayevlə vida mərasiminə əklil göndəriblər.

Əklil mərhumun Akademik Milli Dram Teatrında keçirilən vida mərasiminə qoyulub.

Qeyd edək ki, Xalq artisti Birinci Fəxri xiyabanda dəfn olunacaq.]]> cavidan Mon, 30 Mar 2026 12:41:08 +0400