Rusiyanın müxtəlif şəhərlərindəki metro stansiyalarında yeni bir axın başlayıb. Əksəriyyəti qadınlardan ibarət olan bu cərəyanın ardıcılları metro stansiyalarında ayaqyalın yeriyərək səyahətlərini ayaqqabısız həyata keçirir.
Moderator.az xəbər verir ki, rus mediasında əks olunan xəbərlərə görə, aralarında Moskva və Novosibirsk kimi şəhərlərin də yer aldığı çoxsaylı rus şəhərində bəzi sərnişinlər metro səyahətlərini ayaqyalın etməyə üstünlük verir.



“Yalın ayaqlı” olaraq adlandırılan bu cərəyanın ardıcılları şəhərdə gün boyu insanları çılpaq ayaqla yeriməyə dəvət edir.

Metropoliten rəsmiləri sözügedən cərəyanın fiziki yaralanmaya səbəb olan və bu səbəblə də sərnişinlərə səyahətləri zamanı bu aksiyadan çəkinmələri lazım olduğu mövzusunda xəbərdarlıq edərkən, ayaqyalın gəzməyin sağlamlıq problemlərinə da yol aça biləcəyini bildirib.