Sağlam bədəndə sağlam ruh olar deyərlər. Bu gün gücü, qüdrəti ilə dünyanın diqqət mərkəzində olan ordumuzun sıralarını təmsil edən gənclərin fiziki və tibbi cəhətdən sağlam olması bu mənada vacib şərtlərdən biridir. Ölkə Prezidentinin bu istiqamətdə imzaladığı məlum sərəncam və qərarlar təbii ki, yerlərdə Səfərbərlik və hərbi xidmətə çağırış idarələrinin, eləcə də hərbi həkim komissiyalarının qarşısında ciddi məsuliyyət qoyur, bugünədək baş verən neqativ halların aradan qaldırılmasına əsas verir.
Ötən gün Respublika Psixiatriya Xəstəxanası Publik hüquqi şəxsdə olarkən bunun bir daha canlı şahidi olduq. Xəstəxanada tibbi-psixatrik müayinə məqsədilə aidiyyatı üzrə rayon səfərbərlik idarələrindən verilən göndəriş əsasında gələn gənclərin timsalında qələbəlik yaşanmasına baxmayaraq, hər biri ağxalatlılar tərəfindən müvafiq qaydada nəzakətlə qəbul edilir, növbəli şəkildə günlər təyin edilərək həkim komissiyasına cəlb edilirlər.
Onu da müşahidə etdik ki, 4-5 nəfərdən ibarət olan komissiya üzvləri-tibbi personaj tərəfindən çagırışçılar tək-tək qəbul edilərək dindirilir, sual-cavab edilir, narahatlıq doğuran psixoloji və ya psixiatrik problemləri ədalətlə, vicdanla düzgün araşdırılır, analiz edilir, müayinə olunur, nəticəylə bağlı real diaqnoz qoyulur. Təbii ki, heç bir tibbi narahatlığı aşkar edilməyən çağırışçılara sağlam diaqnozu qoyularaq, sənədlər elektron poçt vasitəsilə aidiyyatı ünvanlara rəsmi qaydada göndərilir.
"Sabirabad rayonundan göndərilən çağırışçıyam. Bir neçə gün əvvəl Rayon Səfərbərlik və Hərbi Xidmətə Çağırış idarəsindən verilən göndərişlə gəldim, Xəstəxananın qəbul şöbəsində qeydiyyata alındın, qan analizi verdim və komissiyadan keçmək üçün bu günə təyin olundum. Bir azdan komissiyaya girmək ücün növbəm çatacaq və əminəm ki, səhhətimlə bağlı doğru-düzgün diaqnoz qoyulacaq." Çəğırışçı Sənur İbayevlə həmsöhbət olarkən bu sözləri dedi.
Kürdəmirdə gələn başqa bir çağırışcı İmran Qasımov isə:
"Artıq komissiyadan keçdim. Narahatlıq doğuran səbəblərlə bağlı psixiatr həkimlər mənimlə sorğu-sual etdilər və hələlik müvəqqəti stasionar müalicə tətbiq etdilər. Güman edirəm ki, müalicə müddətində sağlıq durumum normallaşacaq və Vətənin keşiyində dayanmaq naminə həqiqi hərbi xidmətə yola salınacam"- dedi.
Digər müsahiblərimizlə də söhbətdə sözugedən tibb müəssisəinin həkimlərindən gördükləri diqqət və qaygıya, onların səhhətində narahatlıq doğuran problemlərə düzgün, ədalətli yanaşmalarına görə razılıq etdiklərini bildirdilər.
Heç sübhəsiz bütün bunlardan sonra əminliklə sözügedən Xəstəxanada rəhbər başda olmaqla, tibbi personajın fəaliyyətini şəffaflığın nümunəsi hesab etmək olar. Necə deyərlər, "Gorünən dağa nə bələdçi?"
P.S. Bizə isə komissiya sədri, təcrübəli psixiatr həkim, baş direktorun müavini Elxan Əsədova və onunla bahəm çalısan komissiya üzvləri Musa Musayevə, Cəmilə Həsənovaya ya və Aydan Quliyevaya fəaliyyətlərində uğurlar diləmək qalır. Vətəni, dövləti, Vətən ogullarını sevmək qədər nümunəvi fəaliyyət ola bilməz dəyərli həkimlər! Gənclərimizin sağlam gələcəyi sizlərin əllərindədir. Var olun!

Bəradər Səməndərli
AJB üzvü, şair-jurnalist
"Atributinfo.az