"Vladimir Zelenski hələ müqəddəslərin rütbəsinə yüksəlməyib. O, Allah deyil ki, mən onun qarşısında diz çöküm”.

"Qafqazinfo”nun "Moskovskiy Komsomoleç” saytına istinadən verdiyi xəbərə görə, bu barədə Rusiya prezidenti Vladimir Putin Çində "Bir kəmər, bir yol” forumundan sonra təşkil olunan mətbuat konfransında çıxışı zamanı bildirib.

Putin Ukraynanın yeni seçilmiş prezidenti ilə görüşün mümkün olacağını açıqlayıb: "Bu görüşdə ilkin olaraq Ukraynanın cənub-şərqində gərginliyə son qoymağın həlli yolları müzakirə olunacaq. Hamı Donbassdakı münaqişədən yorulub. Hər kəs yeni prezident Zelenskidən bu yöndə müsbət qərarı gözləyir. Bunun tək bir yolu var, o da ki, Minsk razılaşmasının həyata keçirilməsidir. Lakin Zelenskinin buna əməl edəcəyi hələ ki, sual altındadır”.