Xəbər verdiyimiz kimi, dünən Çexiyanın paytaxtı Praqada Karlov Universitetində atışma olub. Atışma zamanı 20-yə yaxın şəxs həlak olub, 30-a yaxın yaralı var. Praqa şəhərinin meri hadisəni törədən şəxsin intihar etdiyini bildirib.

Dünyanın ən qədim və məşhur ali təhsil müəssisələrindən biri Karlov Universitetində bir çox azərbaycanlı da təhsil alır. Praqada baş verən hadisədə ölən və yaralananların arasında azərbaycanlıların da olub-olmaması barədə məlumat əldə etmək üçün Xarici İşlər Nazirliyinə sorğu göndərib.

Nazirlikdən sorğumuza cavab olaraq bildirilib ki, atışma zamanı ölənlər və zərər çəkənlər arasında azərbaycanlı yoxdur.

Qeyd edək ki, hadisəni Kladno şəhərindən olan 24 yaşlı tələbə David Kozak törədib. O, bir neçə növ odlu silahın sahibi olub və fakültədə terror aktına öncədən hazırlaşıb. Kozak silahlara qanuni yolla sahib olub. Bundan əlavə, polis onun qırğından bir neçə saat əvvəl atasını öldürməsindən şübhələnir.