Xəbər verdiyimiz kimi, müğənni Afət Fərmanqızının Nəsiminin qəzəlinə ifa etdiyi mahnıya məzəli videorolik hazırlayan Şəki Mərkəzi Xəstəxanasının beş əməkdaşı işdən qovulub.

Müğənni Afət Fərmanqızı Şəki Mərkəzi Xəstəxanasının baş həkimi Elçin Əmirovun işçilərini müğənni Nüşabə Ələsgərliyə görə işdən çıxardığını bildirib. Unikal-a açıqlamasında o, baş həkimin Nüşabə Ələsgərlinin qohumu olduğunu bildirib: "Onun mənimlə münasibətləri bu mahnıya görə pozuldu. Ya baş həkim Nüşabəyə yaxşı görünmək üçün bu addımı atıb, ya da o, bu videonu görəndən sonra baş həkimə nəsə deyib, deyə vurğulayıb.

Məsələ ilə bağlı Sonxeber.az-a açıqlama verən Nüşabə Ələsgərli bu iddiaların yalan olduğunu açıqlayıb.

"Afət Fərmanqızı kimdir ki, getsin işi ilə məşğul olsun. Gündəm axtarır", deyə o bildirib.