"Əlbəttə ki, Brüsseldə keçirilən müzakirələr asan olmadı".

Bunu Ermənistanın baş naziri Nikol Paşinyan Avropa İttifaqı Şurasının sədri Şarl Mişelin vasitəçiliyi ilə ötən gün Brüsseldə Azərbaycan prezidenti Əliyevlə görüşünə münasibət bildirib.

Onun sözlərinə görə, Ermənistan hökuməti sülh gündəliyini qəbul edib:

"Hamımız başa düşməliyik ki, bu, asan və sadə deyil. Biz ardıcıl işləməliyik və mən də hesab edirəm ki, bu, mümkündür. Xalqımızın arzusudur ki, nə vaxtsa bölgəmizdə davamlı və hərtərəfli sülh bərqərar olsun və biz bu problemin həllinə daha çox diqqət yetirməliyik", - deyə o, bildirib.