Hacı Şahin Hüseynov
Şəki şəhər Karvansaray mehmanxana kompleksinin rəhbəri

Müqəddəs Ramazan bayramını qeyd edirik. Bu mübasibətlə əziz ADAU kollektivimi və bütün dünya azərbaycanlılarını ürəkdən təbrik edir, hər birinizə ən xoş arzu və diləklərimi bildirirəm.

Ramazan bayramı hər bir müsəlmanın böyük həvəslə gözlədiyi dini bayramlardan biridir. Bu bayrama Azərbaycanda da böyük maraq və hörmət vardır. Müsəlman dünyasında Ramazan “Ayların sultanı” adlandırılır. Xüsusilə vətəndaşlarımızın bir ay boyunca sevərək oruc tutması, qohumların bir-birinin evinə gedib bayramlaşması, uşaqlara hədiyyələr alınması kimi gözəl ənənələri gətirən Ramazanı nəinki bu xüsusiyyətlərinə görə, həm də Allahın ən sevimli ayda ona uzanan əlləri boş qaytarmamasına görə, günahlarının bağışlanmasına görə sevirlər. Ramazan bayramı yaxınlaşdıqca onu qarşılamağa hazırlaşan insanların üzündəki sevinci görməmək qeyri-mümkündür.

Qədr günlərinin birində Qurani-Kərimin nazil olduğu Ramazan ayı insanları xeyirxah əməllərə, birlik və bərabərliyə dəvət edən, onlara nəfs üzərində qələbənin sevincini yaşadan mübarək aylardandır.

İslam dini illərdir Azərbaycan cəmiyyətində vəhdətin, həmrəyliyin bərqərar olmasında

əhəmiyyətli rol oynamışdır. Dini, milli-mənəvi dəyərlərinə hər zaman dərin bağlılıq nümayiş etdirən xalqımız öz adət-ənənələrini, dini ayin və mərasimlərini bu gün də layiqincə qoruyub saxlayır, o cümlədən Ramazan bayramını hər il xüsusi təntənə ilə keçirir.

Nahaq yerə bu müqəddəs aya on bir ayın sultanı demirlər. İnanıram ki, ölkəmizin əmin-amanlığı və tərəqqisi, sabitliyi naminə etdiyimiz dualar sayəsində Uca Tanrı öz mərhəmətini və şəfqətini xalqımızdan əsirgəməyəcək.

Allah orucunuzu qəbul etsin.
Ramazan Bayramınız mübarək olsun!