https://www.xeber.info/ tr Dünya - Xeber.info DataLife Engine https://www.xeber.info/gundem/35554-qalibaf-trampi-7-yalan-danismaqda-ittiham-etdi.html https://www.xeber.info/gundem/35554-qalibaf-trampi-7-yalan-danismaqda-ittiham-etdi.html
İran parlamentinin sədri Məhəmməd Baqer Qalibaf özünün X hesabında ABŞ-la aprılandanışıqların detalları barədə yeni paylaşım edib.

Qalibaf bildirib ki, Trampın səsləndirdiyi 7 iddianın hamısı yalandır.

Qeyd edək ki, Məhəmməd Baqer Qalibaf İran–ABŞ son danışıqlar heyətinin rəhbəridir.

O bildirib:

-ABŞ prezidenti bir saat ərzində 7 iddia səsləndirib və onların hamısı yalandır.

- Bu yalanlarla müharibədə qalib gəlmədilər və danışıqlarda da uğur qazana bilməyəcəklər.

- Mühasirə davam edərsə, hörmüz boğazı açıq qalmayacaq.

- Boğazdan keçid “müəyyən edilmiş marşrut” üzrə və “İranın icazəsi ilə” həyata keçiriləcək.

- Boğazın açıq və ya bağlı olmasını və qaydaları sosial şəbəkələr deyil, yerli vəziyyət müəyyən edir.

- Media müharibəsi və ictimai rəyin yönləndirilməsi müharibənin mühüm hissəsidir və İran xalqı bu cür təsirlərə uymayacaq.]]> cavidan Sat, 18 Apr 2026 09:52:28 +0400 https://www.xeber.info/gundem/35551-rdogan-turkiy-avropa-ittifaqina-tam-uzvluk-hdfini-qoruyur.html https://www.xeber.info/gundem/35551-rdogan-turkiy-avropa-ittifaqina-tam-uzvluk-hdfini-qoruyur.html
Türkiyə Avropanın ayrılmaz parçasıdır.

Bunu Türkiyə Prezidenti Rəcəb Tayyib Ərdoğan V Antalya Diplomatiya Forumunun açılışında bildirib.

“Türkiyə Avropanın ayrılmaz parçasıdır. Bu gün üzləşdiyimiz ortaq çağırışlar Avropa ilə tərəfdaşlığımızın strateji əhəmiyyətini bir daha ortaya qoyub”, – Türkiyə Prezidenti qeyd edib.

Ərdoğanın sözlərinə görə, Türkiyə Avropa İttifaqına tam üzvlük hədəfini qoruyur.]]> cavidan Fri, 17 Apr 2026 17:11:26 +0400 https://www.xeber.info/gundem/35549-hmd-l-saraa-dunn-sonuncu-abs-hrbi-texnikasi-suriyani-trk-edib.html https://www.xeber.info/gundem/35549-hmd-l-saraa-dunn-sonuncu-abs-hrbi-texnikasi-suriyani-trk-edib.html
Dünən sonuncu ABŞ hərbi texnikası Suriyanı tərk edib.

Bunu Suriya Ərəb Respublikasının keçid dövrü Prezidenti Əhməd Əl Şaraa V Antalya Diplomatiya Forumunda bildirib.

Onun sözlərinə görə, Suriyada əvvəllər eyni vaxtda Böyük Britaniya, ABŞ, Fransa və Rusiyaya məxsus bir neçə hərbi baza fəaliyyət göstərib.

Prezident vurğulayıb ki, artıq Suriyanın şimal-şərq bölgəsi bütün xarici hərbi bazalardan tamamilə azaddır.]]> cavidan Fri, 17 Apr 2026 15:20:43 +0400 https://www.xeber.info/gundem/35530-ft-livanda-atsks-bu-hft-quvvy-min-bilr.html https://www.xeber.info/gundem/35530-ft-livanda-atsks-bu-hft-quvvy-min-bilr.html

Livanda atəşkəs tezliklə elan edilə və bu həftə qüvvəyə minə bilər.

Bu barədə iki mənbə məlumat verib.

Onların fikrincə, bu, İsrail qoşunları Livanın cənubundakı sərhəd şəhəri Bint-Cbeyil üzərində nəzarəti ələ keçirdikdən sonra baş verə bilər.

Adının çəkilməsini istəməyən Livan rəsmisi qəzetə bildirib ki, mümkün razılaşma İsrailin hücumlarının dayandırılmasını əhatə etsə də, onun qoşunlarının Livan ərazisindən çıxarılmasını özündə ehtiva etmir.

Eyni zamanda, Livan hökumət mənbələri atəşkəsin müddətinin ABŞ və İran arasında mövcud atəşkəslə əlaqəli olacağını bildiriblər. Vaşinqton və Təl-Əviv əvvəllər Livana hücumların dayandırılmasının ABŞ-İran razılaşmasının bir hissəsi olmadığını bildiriblər. Lakin danışıqlarda vasitəçi olan İran və Pakistanın nümayəndələri bunun əksini iddia ediblər.]]> cavidan Thu, 16 Apr 2026 08:44:42 +0400 https://www.xeber.info/gundem/35527-li-abdullahi-hormuzun-blokadaya-alinmasi-abs-v-iran-arasinda-atsksin-pozulmasina-sbb-olacaq.html https://www.xeber.info/gundem/35527-li-abdullahi-hormuzun-blokadaya-alinmasi-abs-v-iran-arasinda-atsksin-pozulmasina-sbb-olacaq.html
ABŞ dəniz blokadasını davam etdirərsə, Qırmızı dəniz, eləcə də Fars və Oman körfəzləri vasitəsilə ticarəti kəsə bilərik.

Bunu İran Silahlı Qüvvələrinin Mərkəzi Komandanlığının rəhbəri Əli Abdullahi bildirib.

Onun sözlərinə görə, əgər ABŞ blokadanı davam etdirərsə və İranın ticarət gəmiləri və neft tankerlərinə təhlükə yaradarsa, bu, atəşkəs rejiminin pozulmasına gətirib çıxara bilər.

"İslam Respublikasının güclü silahlı qüvvələri Fars, Oman körfəzləri və Qırmızı dəniz vasitəsilə ixracın və ya idxalın davam etdirilməsinə imkan verməyəcək", - o bildirib.

Qəzet qeyd edib ki, Qırmızı dənizin blokadaya alınması, ehtimal ki, Yəməndə İranın dəstəklədiyi husilər hərəkatının cəlb edilməsi ilə bağlı olacaq.

Xatırladaq ki, fevralın 28-də ABŞ və İsrail İrana qarşı hərbi əməliyyatlara başlayıb və bir sıra şəhərlərə hava zərbələri endirib. Həmin gün zərbələr nəticəsində İranın ali rəhbəri Əli Xamenei öldürülüb. Cavab olaraq İran İsrail ərazisinə raket zərbələri endirib və Fars körfəzi ölkələrindəki ABŞ hərbi bazalarına hücum edib.

İran, ABŞ və onların müttəfiqləri 2026-cı il aprelin 8-nə keçən gecə iki həftəlik atəşkəs barədə razılığa gəliblər. Aprelin 11-12-də İslamabadda Pakistanın vasitəçiliyi ilə İran və ABŞ arasında danışıqlar keçirilib. Saatlarla davam edən müzakirələr razılaşma əldə edilmədən başa çatıb.

Daha əvvəl ABŞ Prezidenti Donald Tramp bildirib ki, ABŞ aprelin 13-də Şərq yay vaxtı ilə saat 10:00-da (Bakı vaxtı ilə 18:00-da) Hörmüz boğazında İran limanlarını bloklamağa başlayıb.

]]> cavidan Wed, 15 Apr 2026 17:16:25 +0400 https://www.xeber.info/dunya/35523-rdogan-turkiy-abs-il-iran-arasinda-atsksin-uzadilmasi-ucun-tkliflr-verir.html https://www.xeber.info/dunya/35523-rdogan-turkiy-abs-il-iran-arasinda-atsksin-uzadilmasi-ucun-tkliflr-verir.html
Türkiyə ABŞ-İran müharibəsi fonunda əldə olunan atəşkəsin uzadılması üçün təklif və təşəbbüslər irəli sürür.

Bunu Ədalət və İnkişaf Partiyasının (AK Parti) Türkiyə Böyük Millət Məclisi (TBMM) qrup toplantısında çıxış edən Prezident Rəcəb Tayyib Ərdoğan deyib.

Onun sözlərinə görə, Pakistanın ev sahibliyi ilə baş tutan ABŞ-İran danışıqlarında gözlənilən nəticə əldə edilməyib, Hörmüz boğazında gərginlik daha da artıb.

Ərdoğan əlavə edib ki, İkinci Dünya müharibəsinin qalibləri tərəfindən qurulan qlobal sistem dağılır.

Xatırladaq ki, ABŞ və İsrail fevralın 28-də İrana qarşı hərbi əməliyyatlara başlayıb. Nəticədə İranın ali rəhbəri ayətullah Əli Xamenei və bir sıra yüksək vəzifəli şəxslər öldürülüb. Ötən gecə, təxminən, hərbi əməliyyatların 40-cı günündə Pakistanın vasitəçiliyi ilə ABŞ və İsrail arasında ikihəftəlik atəşkəs razılaşması elan edilib. Tərəflərin şərtləri ilə bağlı aprelin 11-12-də İslamabadda baş tutan görüşdə razılıq əldə olunmayıb.]]> cavidan Wed, 15 Apr 2026 14:20:34 +0400 https://www.xeber.info/gundem/35506-israil-ordusu-livanin-cnubunda-mudafi-movqelrini-mohkmlndirir.html https://www.xeber.info/gundem/35506-israil-ordusu-livanin-cnubunda-mudafi-movqelrini-mohkmlndirir.html
İsrail Müdafiə Qüvvələri Livanın cənub rayonlarında fəal əməliyyatlar həyata keçirir.

Bu barədə ordunun mətbuat xidməti bildirib.

"91-ci diviziyanın tərkibində fəaliyyət göstərən ordunun 8-ci briqadasının hərbi qulluqçuları Livanın cənubunda müdafiə xəttinin möhkəmləndirilməsi, eləcə də İsrailin şimal ərazilərinin sakinlərinin təhlükəsizliyinin təmin edilməsi məqsədilə nöqtəvi yerüstü əməliyyatlar həyata keçirməyə davam edir", - məlumatda qeyd olunub.

Hərbi idarənin məlumatına görə, keçirilmiş əməliyyatlar çərçivəsində İsrail hərbçiləri İsrailin şimal hissəsinə yönəldilmiş raket buraxılış qurğusunu aşkar edib, həmçinin Livan radikal qruplaşması "Hizbullah" tərəfindən yəhudi dövlətinə zərbələrin hazırlanması üçün istifadə olunan tank əleyhinə raket kompleksləri və digər silah növləri müəyyən edilib.

Xatırladaq ki, aprelin 14-də Vaşinqtonda ABŞ-ın himayəsi altında atəşkəs sazişinin əldə edilməsi məqsədilə sülh danışıqlarının başlama tarixinin müəyyənləşdirilməli olduğu Livan-İsrail təmaslarının ilkin raundu keçirilib.]]> cavidan Wed, 15 Apr 2026 09:22:57 +0400 https://www.xeber.info/gundem/35500-kiv-rusiya-teleqramdaki-bloklanmani-yumsaltmaq-qrarina-glib.html https://www.xeber.info/gundem/35500-kiv-rusiya-teleqramdaki-bloklanmani-yumsaltmaq-qrarina-glib.html
Kreml Rusiya prezidenti Vladimir Putinin reytinqinin aşağı düşməsindən ehtiyat edərək internet məhdudiyyətlərinə yanaşmasını yenidən nəzərdən keçirir.

APA-nın Moskva bürosu xəbər verir ki, bu barədə "Bloomberg" yazıb.

Agentliyin mənbələrinə görə, Federal Təhlükəsizlik Xidmətinin (FSB) daha sərt nəzarət üçün səyləri bəzi yüksək vəzifəli məmurları internetə girişin qadağan edilməsi ilə bağlı siyasi və iqtisadi risklər barədə xəbərdarlıq etməyə vadar edib.

Mənbə bildirib ki, bu, repressiv tədbirləri yavaşlada bilər və "Telegram"ın Rusiyada fəaliyyətini davam etdirməsinə imkan verə bilər.

Rusiya prezidentinin mətbuat katibi Dmitri Peskov "Bloomberg"in şərh istəyinə cavab verməyib.

"Forbes" nəşrinin mənbəyi iddia edir ki, hakimiyyət orqanları "Telegram"dakı bloklanmanı yumşaltmaq qərarına gəliblər.

Mənbənin sözlərinə görə, bu, ilin əvvəlindən vergi dəyişiklikləri, qiymətlərin artması və rabitə problemlərindən sonra yaranan gərginliyin azaldılmasına kömək edə bilər.]]> cavidan Tue, 14 Apr 2026 16:05:43 +0400 https://www.xeber.info/gundem/35497-wsj-sudiyy-rbistani-abs-nin-hormuz-bogazinin-blokadasindan-imtina-etmsin-calisir.html https://www.xeber.info/gundem/35497-wsj-sudiyy-rbistani-abs-nin-hormuz-bogazinin-blokadasindan-imtina-etmsin-calisir.html

Səudiyyə Ərəbistanı Hörmüz boğazının blokadasından imtina edilməsinə və İranla danışıqlara qayıdılmasına nail olmaq üçün ABŞ-yə təzyiq göstərməyə çalışır.

Bu barədə "The Wall Street Journal" (WSJ) qəzeti mənbələrə istinadən məlumat yayıb.

Nəşr qeyd edir ki, Səudiyyə Ərəbistanı ABŞ Prezidenti Donald Trampın Hörmüzü bloklamaq qərarının İranı eskalasiyaya təhrik edə biləcəyindən və digər əsas dəniz marşrutlarında axsamalara səbəb olacağından narahatdır.

Mənbələr qeyd edir ki, Tehran Qırmızı dənizdə strateji cəhətdən mühüm qovşaq olan və krallığın qalan neft ixracının əhəmiyyətli hissəsinin keçdiyi Bab-əl-Məndəb boğazını bağlamaqla cavab verə bilər.

"Bab-əl-Məndəb boğazı yaxınlığındakı əraziyə Yəmən husiləri nəzarət edir. Ərəb mənbələrinin məlumatına görə, İran bu dəniz dəhlizini bağlamaq üçün qruplaşmaya təzyiq göstərir. Husilər gəmilərin boğazdan keçməsi üçün ödəniş almağa başlaya bilərlər", - qəzet bildirib.

Xatırladaq ki, fevralın 28-də ABŞ və İsrail İrana qarşı hərbi əməliyyatlara başlayıb və bir sıra şəhərlərə hava zərbələri endirib. Həmin gün zərbələr nəticəsində İranın ali rəhbəri Əli Xamenei öldürülüb. Cavab olaraq İran İsrail ərazisinə raket zərbələri endirib və Fars körfəzi ölkələrindəki ABŞ hərbi bazalarına hücum edib.

Aprelin 8-də isə İran ilə ABŞ və onların müttəfiqləri ikihəftəlik atəşkəs barədə razılığa gəliblər.

Aprelin 11-12-də İslamabadda Pakistanın vasitəçiliyi ilə İran və ABŞ arasında danışıqlar keçirilib.

Daha əvvəl ABŞ Prezidenti Donald Tramp bildirib ki, ABŞ aprelin 13-də Şərq yay vaxtı ilə saat 10:00-da (Bakı vaxtı ilə 18:00-da) Hörmüz boğazında İran limanlarını bloklamağa başlayıb.]]> cavidan Tue, 14 Apr 2026 13:17:29 +0400 https://www.xeber.info/dunya/35495-rubio-vasinqtonda-israillivan-danisiqlarina-qatilacaq.html https://www.xeber.info/dunya/35495-rubio-vasinqtonda-israillivan-danisiqlarina-qatilacaq.html
ABŞ dövlət katibi Marko Rubio bu gün Vaşinqtonda İsrail və Livan səfirləri arasında birbaşa danışıqlara ev sahibliyi edəcək.

Bu barədə “Axios” mənbələrinə istinadən məlumat yayıb.

Məlumata görə, ABŞ Dövlət Departamentində baş tutacaq görüşdə İsrail səfiri Yeçiel Leiter və Livan səfiri Nada Hamadeh Moavad iştirak edəcək.

Mənbələrin bildirdiyinə görə, görüşdə əsas diqqət atəşkəs imkanlarına, uzunmüddətli perspektivdə “Hizbullah”ın tərksilah edilməsi məsələsinə və tərəflər arasında mümkün sülh razılaşmasına yönələcək.

Danışıqlar İsrail ilə “Hizbullah” arasında davam edən hərbi qarşıdurma və İsrailin Livanın cənubunda genişmiqyaslı quru əməliyyatları fonunda keçirilir.

ABŞ rəsmisi bildirib ki, bu, 1993-cü ildən bəri İsrail və Livan arasında keçirilən ilk açıq və yüksək səviyyəli birbaşa diplomatik danışıqlardır.

Eyni zamanda, “Hizbullah” lideri Naim Qasım danışıqları başlamazdan əvvəl “faydasız” adlandırıb və onun ləğvinə çağırıb.

ABŞ tərəfi vurğulayıb ki, bu proses İsrailin şimal sərhədlərinin uzunmüddətli təhlükəsizliyini təmin etmək və Livanın öz ərazi bütövlüyü üzərində tam suverenliyini bərpa etməsinə dəstək vermək məqsədi daşıyır.]]> cavidan Tue, 14 Apr 2026 11:57:14 +0400