Avropa İttifaqı Rusiyanı “çirkli pulların yuyulması” və terrorizmin maliyyələşdirilməsi üzrə yüksək riskli ölkələr üçün nəzərdə tutulan “qara siyahıya” əlavə edəcək.

Bu barədə “Politico” məlumat yayıb.

Nəşrin yazdığına görə, FATF – Pul Yuyulmasına qarşı Maliyyə Tədbirləri üzrə İşçi Qrupu Rusiyanın Ukraynaya qarşı genişmiqyaslı təcavüzündən sonra onun üzvlüyünü dayandırsa da, Ukrayna hökumətinin təqdim etdiyi sübutlara baxmayaraq, Rusiyanı “qara siyahıya” əlavə etməyib.Buna səbəb Braziliya, Hindistan, Çin və Cənubi Afrika Respublikası daxil olmaqla, BRICS ölkələrinin müqaviməti olub.

Hazırda Avropa İttifaqı Rusiyanın Aİ maliyyə xidmətlərinə çıxışını ciddi şəkildə məhdudlaşdıran geniş sanksiyalar paketinə malikdir.

Rusiyanın “qara siyahı”ya salınması maliyyə qurumlarını bütün əməliyyatlar üzrə təkmilləşdirilmiş yoxlama tədbirləri tətbiq etməyə məcbur edəcək.